काठमाडौं । बलिउड अभिनेत्री कंगना रनावत राजनीतिमा प्रवेश गरेदेखि नै अभिनेत्री लगातार चर्चामा छिन् । भारतीय जनता पार्टी (बीजेपी) बाट टिकट पाएपछि उत्साहित उनी यति बेला आसन्न विधानसभा चुनावको लागि चुनावी प्रचारमा व्यस्त छिन् । यससँगै अभिनेत्री आफ्नो आगामी फिल्म ‘इमर्जेन्सी’लाई लिएर पनि चर्चामा रहेकी छिन् ।
राजनीतिमा लागेपछि कंगनाको फिल्म पनि निरन्तर असफल भइरहेको छ । यता, आफ्नो गृह प्रदेश हिमाचल प्रदेशको मंडी लोकसभा निर्वाचन क्षेत्रको उम्मेदवार बनेपछि उनले हालै नाम नलिई विपक्षीलाई निशाना बनाएकी छिन् ।
बीजेपी उम्मेदवार तथा अभिनेत्री रनावतले कांग्रेस नेता राहुल गान्धी र हिमाचलका पीडब्लूडी मन्त्री विक्रमादित्य सिंहको नाम नलिई कडा आलोचना गरेकी हुन् । कंगनाले जेठो पप्पु दिल्लीमा र कान्छो पप्पु हिमाचलमा बसेको बताइन् । यति मात्र होइन, कंगनाले थप भनिन्, ‘कि कान्छो पप्पुले मलाई गाईको मासु खान्छिन् भनेका छन् ।’
कंगनाको तीखो शब्द यहीँ रोकिएन । अभिनेत्रीले थप भनिन्, ‘यदि तपाईंसँग प्रमाण छ वा तपाईंसँग भिडियो, रेस्टुरेन्टको बिल, फोटो, केहि छ भने जनतालाई देखाउनु होस्।’
हालै विक्रमादित्य सिंहले गाईको मासु खाने कुरालाई लिएर भाजपा र कंगनामाथि कडा हमला गरेका थिए। कंगना ५ दिन पछि मुम्बईबाट फर्किए पछि अभिनेत्रीले मनालीमा यस्तो प्रतिक्रिया दिएकी हुन् ।
कंगनाले सार्वजनिक रूपमा आफूले यस्ता धेरै राजा र राजाका छोराहरूलाई भेटेको बताइन् । ‘फिल्म क्षेत्रमा पनि यस्ता धेरै व्यक्तिहरु भेटिएका छन् । जब मैले फिल्म उद्योगमा केटीहरू प्रयोग गर्ने मानिसहरू विरुद्ध आवाज उठाए, मलाई जेल हाल्ने प्रयास गरियो तर तिनीहरूले मलाई कुनै हानी गर्न सकेनन्। मैले मेरा फिल्मबाट नायकहरूलाई हटाएँ,’ उनले भनिन् ।
अहिले कंगनाको यो भनाइको निकै चर्चा भइरहेको छ ।
