मिर्गौला हाम्रो शरीरको सबैभन्दा महत्त्वपूर्ण अंग हो, यसले रगत सफा गर्छ र शरीरबाट फोहोर पदार्थहरू बाहिर निकाल्छ।
तर, कहिलेकाहीँ केही बानीका कारण यस्ता फोहोर पदार्थ मिर्गौलामा जम्मा हुन थाल्छ, जसले बिस्तारै कडा भएर पत्थरीको रुप लिन्छ ।
मिर्गौलाको पत्थरी धेरै पीडादायी हुन सक्छ। यस्तो अवस्थामा यसबाट बच्न केही बानी सुधार्नुपर्छ । केहि बानीहरू छन् जसले मिर्गौलाको पत्थरीको जोखिम बढाउँछ। जसको बारेमा तपाईलाई पनि थाहा हुनुपर्छ।
१. प्रशस्त पानी पिउनु
शरीरमा पानीको कमीका कारण पिसाब बाक्लो हुन्छ, जसले पत्थरी बन्ने खतरा बढाउँछ । त्यसैले कम पानी पिउँदा मिर्गौलामा पत्थरी हुने खतरा बढ्छ भन्नु गलत हुनेछैन । त्यसैले दैनिक पर्याप्त मात्रामा पानी पिउनु जरुरी छ । सबैभन्दा राम्रो उपाय भनेको दिनभरि थोरै थाेरै मात्रामा पानी पिइरहनु हाे ।
२. क्याल्सियमकाे कमी हुन नदिनु
क्याल्सियमको कमीले मिर्गौलामा पत्थरी हुने जोखिम बढाउन सक्छ। शरीरमा क्याल्सियमको कमीका कारण मिर्गौलामा पत्थरी हुने खतरा निकै बढ्छ । तसर्थ, विज्ञदेखि आहारविद्सम्म सबैले सन्तुलित आहार लिन सल्लाह दिन्छन्, जसले गर्दा शरीरलाई सबै पोषक तत्वहरू सजिलै प्राप्त हुन्छन्।
३. नुनकाे सेवन कम गर्नु
सोडियमको अत्याधिक सेवनले मिर्गौलालाई पिसाबको माध्यमबाट अतिरिक्त क्याल्सियम बाहिर निकाल्न बाध्य पार्छ। यो अतिरिक्त क्याल्सियमले पत्थरीको रूप लिन सक्छ। त्यसैले खानामा नुनको मात्रा सन्तुलित राख्नुपर्छ ।
४. साकाहारी खाना खानु
मासु, अण्डा, माछा आदि प्रोटिनका राम्रो स्रोत हुन् तर यिनीहरूको अत्याधिक सेवनले मिर्गौलामा पत्थरी हुने खतरा पनि बढाउँछ । वास्तवमा, अधिक प्रोटिनले शरीरमा यूरिक एसिडको मात्रा बढाउँछ, जुन पत्थरीको मुख्य कारण हो।
५.अक्सालेट भएको खाद्य पदार्थ कम खाने
पालक, चुकन्दर, चकलेट र काजू आदिमा अक्सालेट नामक तत्व पाइन्छ। अक्सालेटको अत्यधिक मात्रामा पिसाबमा क्याल्सियम अक्सालेट क्रिस्टल बन्न सक्छ, जसले पछि पत्थरी बन्न सक्छ। त्यसैले यी तरकारीहरू सीमित मात्रामा खानुपर्छ।
६. मोटोपना
अधिक तौल वा मोटोपनाले पनि मिर्गौलामा पत्थरी हुने जोखिम बढाउन सक्छ। मोटोपनाले शरीरमा युरिक एसिडको मात्रा बढाउन सक्छ र रगतमा चिनीको मात्रा पनि बढ्न सक्छ, जुन मृगौलाको स्वास्थ्यका लागि राम्रो होइन ।
७. बीउ युक्त खाद्द नखाने
विज्ञहरूका अनुसार बीउ भएको खानेकुरा धेरै खाँदा मिर्गौलाको स्वास्थ्यमा असर पर्छ । बैंगन र टमाटर जस्ता दाना भएका तरकारीमा अक्सालेटको मात्रा बढी हुन्छ । यस्तो अवस्थामा कुनै समस्या नभए पनि यी तरकारीहरू सीमित मात्रामा खानुपर्छ । एजेन्सीबाट
