काठमाडौं । गत साताको तुलनामा यो साता नेपाली बजारमा सुनको मूल्य भारी वृद्धि भएको छ । नेपाल सुन चाँदी व्यवसायी महासंघका अनुसार यो साता सुनको मूल्य प्रतितोला दुई हजार ७०० रुपैयाँले बढेको हो ।
गत साताको शुक्रबार छापावाल सुनको मूल्य प्रतितोला एक लाख ३० हजार रुपैयाँ थियो । तेजाबी सुनको मूल्य प्रतितोला एक लाख २९ हजार ४०० रुपैयाँ थियो ।
यो साताको शुक्रबार छापावाल सुनको मूल्य प्रतितोला एक लाख ३२ हजार ७०० रुपैयाँ पुग्यो भने तेजाबी सुन एक लाख ३२ हजार ५० रुपैयाँ कायम भएको छ । जुन अहिलेसम्मकै सबैभन्दा उच्च विन्दु हो ।
यस्तै, चाँदीको मूल्यसमेत भारी वृद्धि भएको छ । गत साताको तुलनामा चाँदीको मूल्य ९० रुपैयाँले वृद्धि भएको हो । गत साता प्रतितोला १५ सय २५ रुपैयाँमा कारोबार भएको चाँदी यो शुक्रबारसम्म आइपुग्दा १६ सय १५ रुपैयाँ कायम भएको छ ।
प्रतिक्रिया दिनुहोस्
