काठमाडौं । अमेरिकी व्यवसायिक पत्रिका फोर्ब्सले सार्वजनिक गरेको अर्बपतिको सूचीमा गायिका टेलर स्वीफ्ट समावेश भएकी छन् ।
नयाँ सूची सार्वजनिक भएअनुसार औपचारिक रुपमै अर्बपतिको नाममा टेलरको नाम समावेश भएको हो । यो सूचीमा उनीबाहेक कयौँ कलाकारसमेत समावेश भएका छन् ।
स्वीफ्ट गएको अक्टोबरमै अर्बपति बनेकी थिइन् । एराज टूरका कारण कमाई बढेसँगै उनी फोर्ब्सको सूचीमा परेकी थिइन् ।
फोर्ब्सका अनुसार उनको कूल सम्पत्ति एक अर्ब डलरभन्दा बढी भएको बताइएको छ । यो सूचीमा रिहाना, जे–जेड र जिम्मी बफेटलगायत कलाकार छन् । तर केबल गीत लेखेर अनि गाएरै यो सूचीमा पर्ने चाँही उनी पहिलो कलाकार हुन् ।
स्वीफ्टको इराज टूरको पहिलो ६० ओटा शोबाटै एक अर्ब चार करोड डलर कमाएको अनुमान गरिएको छ ।
प्रतिक्रिया दिनुहोस्
