काठमाडौं । भारत भ्रमणमा रहेको नेपाल क्रिकेट टोलीले त्रिकोणात्मक टी २० सिरिजअन्तर्गत आज दोस्रो खेलमा बरोडासँग खेल्दै छ । खेल नेपाली समयअनुसार दिउँसो २ः४५ मा सुरु हुनेछ ।
यसअघि नेपालले पहिलो खेल गुजरातसँग खेलेको थियो । उक्त खेलमा नेपाली टोली ८ विकेटले विजयी भएको थियो । गुजरातले सोमबार बरोडालाई पाँच विकेटले हराएको थियो ।
नेपालको पहिलो खेलमा गुजरातलाई ९८ रनमा अल आउट गर्न गुलशन झा एक्लैले चार र करण केसीले तीन विकेट लिएका थिए । जम्मा ९९ रनको लक्ष्य पछ्याएको नेपालले १५.२ ओभरमा दुई विकेट गुमाउँदै पूरा गरेको थियो ।
दुई सातापछि ओमानमा हुने एसीसी प्रिमियर कपको लागि नेपालले भारतमा तयारी गरेको हो । त्यसैले बेञ्चका खेलाडीले मौका पाउन सक्ने छन् ।
प्रतिक्रिया दिनुहोस्
