काठमाडौं । कुवेतमा कारले ठक्कर दिँदा तीन जना नेपालीको निधन भएको छ । महाबुल्ला क्षेत्रको सिसाइड रोडमा मंगलबार बिहानै दुर्घटना हुँदा कुवेतको पापाजोन कम्पनीमा कार्यरत नेपालीको निधन भएको हो ।
मृत्यु हुनेमा काठमाडौं सानो भर्याङ्गका सुजन कार्की, अछामको पञ्चदेवल विनायक ५ का सुरतबहादुर कडायत र धनुषाका धिरज गुर्मछाने मगर छन् ।
नेपाली राजदूतावास कुवेतका अनुसार उनीहरूलाई कारको ठक्कर दिएको थियो । मृतकका परिवार र कम्पनीसँग सम्पर्क गरी शव नेपाल पठाउन आवश्यक प्रक्रिया अघि बढाइएको छ ।
उनीहरूको घटना स्थलमै मृत्यु भएको थियो । उनीहरुको शव पोष्ट मार्टमका लागि अस्पतालमा राखिएको छ । कार चालक कुवेतका नागरिकलाई नियन्त्रणमा लिएर अनुसन्धान थालिएको समाचारमा जनाइएको छ ।
प्रतिक्रिया दिनुहोस्
