मुम्बइ । अनन्त अम्बानी र राधिका मर्चेन्टको प्रि-वेडिङ समारोह निकै भव्य थियो । उनीहरूको प्रि-वेडिङमा हलिउडदेखि बलिउडसम्मका कलाकारलाई बोलाइएको थियो । अम्बानी परिवारको यो प्रि-वेडिङ समारोहको यतिबेला जताततै चर्चा भइरहेको छ ।
प्रि-वेडिङ समारोह १ मार्चदेखि ३ मार्चसम्म चलेको थियो । भारतीय सञ्चारमाध्यम दैनिक जागरणका अनुसार अनन्त र राधिका मर्चेन्टको विवाह १२ जुलाईमा हुँदै छ ।
अनन्त-राधिकाको समारोहको पहिलो दिन रिहानाले आफ्नो कन्सर्टले सबैलाई तानिन् । दोस्रो दिनमा थुप्रै बलिउड कलाकार उपस्थित भए । यस पार्टीमा अमिताभ बच्चनदेखि सलमान खान, शाहरुख खानसम्म सबै ठूला नामका स्टार देखिएका थिए । अम्बानीको पार्टीमा धेरै स्टारहरूले पनि प्रस्तुति गरेका थिए ।
बलिउडका थुप्रै कलाकार उपस्थित भए पनि केही कलाकार पार्टीमा उपस्थित देखिएनन् । जसमा सनी देओल, काजोल, शिल्पा शेट्टी, कृति सेनन, कार्तिक आर्यन, आयुष्मान खुराना, तापसी पन्नू, कंगना राणावत यस प्रि-वेडिङ समारोहमा सहभागी थिएनन् ।
यता, बलिउड अभिनेत्री कंगनाले अम्बानीको यो प्रि-वेडिङ पार्टीमा डान्स गर्ने सेलिब्रेटीको खिल्ली उडाएकी छिन् । कंगनाले आफ्नो इन्स्टाग्राम स्टोरीमा एक स्ट्याटस सेयर गरेकी छन् । यस स्ट्याटसमा लेखिएको छ कि कसरी स्वर नाइटिंगेल लता मंगेशकरले एक अन्तर्वार्तामा पैसाको लागि कुनै पनि विवाहमा प्रदर्शन नगर्ने बताएकी थिइन् । यसका लागि कंगनाले उनको तारिफ गर्दै अप्रत्यक्ष रूपमा सेलेब्सको आलोचना गरेकी हुन् ।
कंगनाले लेखेकी छिन्, ‘मैले धेरै आर्थिक समस्याबाट गुजरेकी छु । तर, लता जी र म मात्र दुई व्यक्ति हौँ, जसका गीतहरू धेरै हिट छन्, फेशन का जलवा, घनी बाउली हो गई, लन्डन थुकमाडा, सादी गली, विजय भव: हाम्रो नाम हो । तर मलाई अरू जति प्रलोभन कहिल्यै भएन, मैले बिहेमा कहिल्यै नाचिन ।’
अभिनेत्रीले थप लेखेकी छिन्, ‘मलाई धेरै सुपरहिट आईट्युन्स गीतहरू पनि अफर आएका थिए । चाँडै मैले अवार्ड शोबाट पनि टाढा भएँ । लोकप्रियता र पैसालाई अस्वीकार गर्न बलियो चरित्र र मर्यादा चाहिन्छ । सर्टकटको संसारमा युवा पुस्ताले इमानदारीबाट मात्र पैसा कमाउन सकिन्छ भन्ने कुरा बुझ्नु पर्दछ ।
कगना सधैँ आफ्नो स्पष्ट बयान को लागी परिचित छिन् । यदि कसैलाई उनको स्टाइल मन पर्यो भने धेरैले उनलाई ट्रोल पनि गर्छन् । वर्कफ्रन्टको कुरा गर्ने हो भने कंगना हालै फिल्म ‘तेजस’मा देखिएकी थिइन् । यस चलचित्रमा उनले वायुसेनाका पाइलट ‘तेजस’को भूमिका पनि निभाएकी थिइन । तर, फिल्मले दर्शकबाट राम्रो प्रतिक्रिया पाउन सकेन ।
अब कंगना उनको फिल्म ‘इमर्जेन्सी’मा देखिने भएकी छिन् । यो फिल्म १४ जुनमा हलमा रिलिज हुँदैछ ।
