काठमाडौं । चिनियाँ राजदूत चेन सोङले नवनियुक्त पराराष्ट्रमन्त्री नारायणकाजी श्रेष्ठलाई भेटेर बधाई ज्ञापन गरेका छन् । मन्त्रीमा नियुक्त भएको भोलिपल्ट (बिहीबार) परराष्ट्र मन्त्रालय पुगेर राजदूत सोङले बधाई दिएका हुन् ।
भेटमा द्धिपक्षीय सहकार्यको विषयमा छलफल भएको परराष्ट्र मन्त्रालयले जनाएको छ । चिनियाँ राजदूत सोङले नेपालको विकास र समृद्धिमा चीन सदैव सहयोगी रहने बताएको जनाइएको छ ।
यसअघि आज नै भारतीय राजदूत नवीन श्रीवस्तवले पनि परराष्ट्र मन्त्री श्रेष्ठलाई भेटेर बधाई तथा शुभकामना दिएका थिए । श्रीवास्तवले पनि दुई देशबीचको सम्बन्ध थप सुदृढ बनाउने विषय चर्चा गरेका थिए ।
साथै, भारतको सहयोगमा नेपालमा सञ्चालित विकास निर्माणका परियोजनाबारे पनि चर्चा गरेको परराष्ट्रका प्रवक्ता अमृतबहादुर राईले जानकारी दिए ।
प्रतिक्रिया दिनुहोस्
