काठमाडौं । सत्ता समीकरण बदल्ने प्रधानमन्त्री पुष्पकमल दाहाल प्रचण्डको कदमलाई कांग्रेसले राजनीतिक बेइमानीको संज्ञा दिएको छ । कांग्रेसले प्रधानमन्त्रीबाट जनमतको ठूलो अपमान भएको निष्कर्ष सुनाएको छ ।
बिहीबारको संसद बैठकमा बोल्दै कांग्रेस प्रमुख सचेतक रमेश लेखकले प्रधानमन्त्रीको कदमले मुलुकलाई श्रृखंलाबद्ध अस्थिरतातर्फ धकेल्ने प्रयास भएको आरोप लगाए ।
“जनताले दिएको आफ्नो जिम्मेवारीबाट भाग्ने काम भयो, यो राजनीतिक बेइमानी हो, मुलुकलाई श्रृखलाबाद्ध अस्थिरतातर्फ लैजाने काम भयो”, उनले भनेका छन् ।
सँगै लेखकले प्रधानमन्त्रीबाट धोका पाएका सबै एक ठाउँमा हुँदा के होला भनि प्रश्न गरेका छन् । “हेक्का राख्नुहोस् ! तपाईंले धोका दिएकाहरू सबै एकजुट भए तपाईंको हालत के होला ?”, चेतावनीपूर्ण भाषामा उनले भनेका छन् ।
उनले १४ महिनामा तीनपटक फेरबदल भएको उल्लेख गर्दै उनले सबैलाई धोका दिएको बताए ।
