खराब जीवनशैलीका कारण कुनै पनि व्यक्तिलाई मृगाैलामा पत्थरीको समस्या हुन सक्छ । कहिलेकाहीँ पानीको कमीका कारण पनि यस्तो हुन्छ । तर, शरीरमा क्याल्सियम र कोलेस्ट्रोलको मात्रा बढेमा पत्थरी बन्ने गर्छ । यी सबै समस्याबाट बच्न के गर्ने भन्ने प्रश्न उठ्छ ।

मृगाैलालाई स्वस्थ र बलियो बनाउन खानपानमा सुधार गर्नुपर्ने हुन्छ । स्वास्थ्य विज्ञहरूका अनुसार सेतो खानेकुरालाई आहारबाट पूर्णरूपमा हटाउनुपर्छ । किनभने यसले मृगाैलामा पत्थरी बनाउँछ।

मृगाैलामा संक्रमण भएमा मात्रै मानिसहरु मृगाैलाको समस्यालाई गम्भीर रुपमा लिन्छन् । पिसाबमा प्रोटिन लिकेज भएको पत्ता लाग्दासम्म शरीरको सबैभन्दा महत्त्वपूर्ण अंग ६०–७० प्रतिशतले क्षति पुगेको हुन्छ । जसका कारण विगत १५ वर्षमा मिर्गौला रोगीको संख्या दोब्बर भएको छ । मृगौला स्वस्थ राख्न भुलेर पनि यी चिज खानु हुँदैन ।

नुनमा सोडियमको मात्रा धेरै हुन्छ । जसले गर्दा शरीरमा सोडियमको सन्तुलन बिग्रन्छ । यसले रक्तचाप पनि बढाउँछ । यसको सबैभन्दा बढी असर मृगौलाको काममा पर्छ । शरीरमा पानीको कमीका कारण फोहोर बाहिर निस्कन सक्दैन । जसले गर्दा हड्डी कमजोर हुन्छ ।

धेरै चिनी खाँदा मृगौलामा पनि खतरनाक असर पर्छ । रगतमा चिनीको मात्रा १८०mg/dl भन्दा बढी हुँदा मृगाैलाले चिनीलाई थेग्न सक्दैन । यही कारणले गर्दा मधुमेहका बिरामीको मृगाैला चाँडै बिग्रन थाल्छ ।

केरामा पोटासियमको मात्रा धेरै हुन्छ । केरा धेरै खाँदा शरीरमा पोटासियमको मात्रा बढ्न सक्छ, जुन शरीरको लागि हानिकारक साबित हुन सक्छ। एजेन्सीबाट