काठमाडौं । नेपाल क्रिकेट संघ (क्यान)ले जाजरकोटका भूकम्प पीडितलाई २० लाख रुपैयाँ सहयोग गरेको छ । क्यानले आईसीसी टी २० विश्वकप २०२४ को एसिया छनोटअन्तर्गत नेपाल र ओमानबीच भएको फाइनल खेलको टिकट बिक्रीबाट प्राप्त ५० प्रतिशत रकम दिएको हो ।
प्रतियोगिताको समयमा गरेको बचनअनुसार रकम प्रधानमन्त्री दैवी प्रकोप सहायता कोषमा जम्मा गरेको क्यानले जनाएको छ ।
गत कात्तिक १७ गते जाजरकोटको रामिडाँडालाई केन्द्रबिन्दु बनाएर भूकम्प गएको थियो । भूकम्पले जाजरकोट र रुकुम पश्चिममा ठूलो मानवीय क्षति भएको थियो ।
प्रतिक्रिया दिनुहोस्
