![manisha-poonam](https://www.sutranews.com/wp-content/uploads/2024/02/manisha-poonam.jpg)
![पूनम पाण्डे झै मनिषा कोइरालाले पनि गरेकी थिइन् ‘फेक डेथ स्टन्ट’](https://www.sutranews.com/wp-content/uploads/2024/02/manisha-poonam.jpg)
चर्चित भारतीय मोडल तथा अभिनेत्री पूनम पाण्डेले पाठेघरको मुखको क्यान्सर सचेतनाको आडमा आफ्नो मृत्युको झुटो बनाएर सबैलाई चकित पारिन् ।
उनको यो कार्यलाई लिएर मानिसहरू निकै आक्रोशित भइरहेका छन् र मोडल पाण्डेको धेरैले आलोचना गरिरहेका छन् ।
पूनम पाण्डेले फेब्रुअरी २ मा आफ्नो इन्स्टाग्राम मार्फत आफ्नो मृत्युको झुटो खबर फैलाएकी थिइन् । त्यसपछि फेब्रुअरी ३ मा उनले पाठेघरको मुखको क्यान्सरबारे जनचेतना फैलाउन आफ्नो मृत्युको झुटो खबर दिएको भिडियोमार्फत बताएका थिए । यो स्टन्टपछि मानिसहरूले उनलाई धेरै ट्रोल गरिरहेका छन् ।
तर, पूनम पाण्डे पहिलो अभिनेत्री होइनन् जसले पब्लिसिटीको लागि आफ्नो मृत्युको झुटो बनाइन् । यसअघि सन् १९९५ मा पनि अर्की एक चर्चित अभिनेत्रीले आफ्नो मृत्युको नक्कल गरेकी थिइन् ।
सन् १९९५ मा महेश भट्टद्वारा लिखित र निर्देशित फिल्म ‘क्रिमिनल’ रिलिज भएको थियो । यस फिल्ममा नागार्जुन, राम्या कृष्ण र मनिषा कोइराला मुख्य भूमिकामा थिए । फिल्मको तेलुगु संस्करण सन् १९९४ मा रिलिज भएको थियो तर हिन्दी संस्करण भने १९९५ मा रिलिज हुने थियो । यो हिन्दी संस्करण सफल बनाउन महेश भट्टले अर्कै आइडिया ल्याएका थिए । त्यो थियो फिल्मको प्रचारका लागि बनाइएको नक्कली मृत्यु स्टन्ट ।
भारतीय सञ्चारमाध्यम एबीपी न्युजका अनुसार महेश भट्टले ‘क्रिमिनल’ को प्रचार गर्न मनिषा कोइरालाको मृत्युको झुटो खबर फैलाए । उनले मनिषा कोइरालाको मृत्युको खबर बोकेर पोस्टर बनाएका थिए । यही कारबाहीका कारण उनी विरुद्ध मुद्दा दर्ता भएको बताइएको छ । तर, सन् २०१२ मा मनिषा कोइरालाले वास्तवमै मृत्युको सामना गरिन् ।
सन् २०१२ मा मनिषा कोइरालालाई पाठेघरको क्यान्सर भएको पत्ता लागेको थियो ।
क्यान्सरका कारण मनिषाको टाउकोका सबै कपाल झरेका थिए र उनको अवस्था नाजुक थियो । मनिषा कोइराला अमेरिकामा क्यान्सरको उपचार गराएकी थिइन् । मनिषा २०१८ मा क्यान्सर मुक्त भइन् ।