दोस्रो सेमिफाइनलमा भारतलाई १० विकेटले पराजित गर्दै इंग्ल्याण्डले फाइनलमा स्थान पक्का गरेको छ ।
नोभेम्बर १३ मा मेलबर्नमा हुने फाइनल खेलमा इंग्ल्याण्डले पाकिस्तानको सामना गर्नेछ ।
भारतले इंग्ल्याण्डलाई जितका लागि १६९ रनको चुनौती दिएको थियो । ओपनर एलेक्स हेल्स र कप्तान जोस बटलरले पहिलो विकेटको कीर्तिमानी साझेदारी गर्दै लक्ष्यलाई सामान्य राखेका थिए।
भारतका कुनै पनि बलरले इंग्ल्याण्डका ब्याट्सम्यानलाई प्रभावित गर्न सकेनन् । इंग्ल्याण्डले खेल २४ बल बाँकी रहँदै जित्यो । कप्तान बटलर (८० रन, ४९ बल) र हेल्स (८६ रन, ४७ बल) दुवैले अर्धशतक बनाए । हेल्स खेलको म्यान अफ द म्याच घोषित भए ।
जुन पिचमा बेलायती ब्याट्सम्यानले भारतीय बलरलाई हराए, त्यही पिचमा भारतीय ब्याट्सम्यान रन बनाउन आतुर थिए ।