नायीका नीता ढुङ्गानाले बिबाह अघि ब्याचलर पार्टीका तस्बिरहरु पनि सार्वजनीक गरेकी छिन् । आफ्ना नजिकका सिमित साथीलाई बोलाएर सुटुक्क ब्याचलर पार्टी मनाएकी उनले बल्ल तस्वीहरु सार्वजनिक गरेकी हुन् । उनले ब्याचलर पार्टीका तस्बिर सार्वजनिक गर्दै लेखेकी छिन् ‘एक्लो जीवनको अन्त्य ।’
नायीका निता ढुङ्गाना र ज्योतिष तथा नायक हरिहर अधिकारीबीच यहि असार २४ गते भव्य रुपमा विवाह हुँदैछ । नीताले हरिहरसँगको प्रेमलाई बल्ल औपचारिक रुपमै स्विकार गरेकी छिन् ।
नीताले सामाजिक संजाल फेसबुकमा हरिहरसँगको तस्बिर पोष्ट गर्दै लेखेकी छिन् ‘हो हामी सँगै हुँदैछौँ, तपाईँहरूको आशीर्वाद र माया सधैं यसरी नै पाइ राख्न पाउँ।’
यसअघि यी दुबै जना लामोसमयदेखि प्रेममा रहेको भएपनि आफुहरुबीचको प्रेमलाई अस्विकार गर्दै असल साथी मात्र भएको बताउदै आएका थिए । प्राय सार्वजनिक कार्यक्रमा संगै देखीने निता र हरिहरलाई प्रेम र विबाहको बारेमा प्रश्न गर्दा दुबैले ‘भोलि कसले देखेको छ ?’ भन्दै टार्ने गर्थे। तर उनीहरु यही असार २४ गते विवाह बन्धनमा बाँधिदै छन् ।
यतिबेला निता र हीहर दुबै जना विवाहको तयारीमा लागेका छन् । उनीहरूले आफ्नो विवाहका लागि अहिले निम्तो कार्ड पठाइरहेका छन् । उनीहरुको विवाहमा आफन्त र परिवारलाई मात्र बोलाइएको छ ।
विवाह लगत्तै नीता र हरिहर फिल्म ‘ह्रस्वदीर्घ’ छायांकनमा निस्कने तयारीमा छन् । यो जोडीले उक्त फिल्मको शुभमुहुर्त पनि गरिसकेका छन् ।
