नेकपा (एस) एकीकृत समाजवादीका अध्यक्ष माधवकुमार नेपालले आफ्नो साथ छाडेर एमालेमै बसेका १० जना स्थायी कमिटी सदस्यलाई दासको संज्ञा दिएका छन् । १० भाइले गरेको व्यवहार र आचरण हेरिरहेको भन्दै नेपालले पदीय गरिमका सम्मानसमेत नपाएर दास भएर बसेको दावी गरे ।
नेकपा एसको केन्द्रीय कमिटी बैठकलाई शनिबार सम्बोधन गर्ने क्रममा अध्यक्ष नेपालले १० भाइको दिमागबाट अझै नशा उत्रि नसकेको टिप्पणी गरे ।
अध्यक्ष नेपालले भने– नेकपा एमालेबाट विद्रोह गर्नु जायज थियो । हामीले नगरेको भए कि दास भएर बस्नुपथ्र्यो कि राजनीतिबाट पलायन हुनुपथ्र्यो । अहिले म कथित १० भाइका कुरा सुन्दैछु, उनीहरुको दिमागबाट नशा उत्रेको छैन । तथानाम लेखिरहेका छन्, म हेरिरहेको छु । उनीहरु त्यहाँ दास भएर बसेका छन् ।’
नेपालले १० भाइलाई पदीय गरिमको सम्मान पाउन नसकेको दास भएको बताए । उनले चेतावनी दिंदै भने– ‘दास भएर बस्नेले हामीलाई धारेहात लगाउँने दुस्साहस नगरुन् । तथानाम लेखिरहेका छन्, दास भएर बसेका छन्, पदीय गरिमाको सम्मान पाएका छैनन् ।’