काठमाडौँ । धरान उपमहानगरपालिकाको कार्यपालिकाको बैठकमा खटपट भएको छ । विवादका कारण बैठक स्थगित भएको धरानका मेयर हर्क साम्पाङ्ग राईले सामाजिक सञ्जालमार्फत जानकारी दिएका छन् ।
‘आजको कार्यपालिकाको वैठक पनि सम्पन्न हुन सकेन ! बजेट विनियोजन विध्येक बिना नै नगरसभा गर्नु पर्ने वाध्यता देखियो ! जे होस् जय धरान भन्न चाहिँ छोड्दिन !’ उनले लेखेका छन् । त्यस्तै उनका अनुसार आजको बैठकमा निम्न एजेण्डाहरु छलफल हुन सकेन ।
१. यातायात नवीकरण कार्यालयको शाखा धरानमा पनि माग्ने !
२. हप्ताको शुक्रबार जातिय मौलिक पोशाक लगाएर विद्यार्थीहरु स्कुल जान पाउने / पर्ने !
३. राष्ट्रिय आविष्कार केन्द्रको शाखा धरानमा स्थापना गर्ने !
४. सामाजिक सुरक्षा भत्ता वडा स्तरबाट वितरण गर्ने !
५. सहयोग गर्न चाहने दाताका लागि सरकारी खाता खोल्ने/चलाउने !
६. सर्दु जलाधारको बारेमा टुङ्गो लगाउने !
