जनकपुरधाम उपमहानगरपालिकाका उपमेयर किशोरी साहमाथि एक समूहले जुत्ता प्रहार गरेको छ । सो समूह ज्ञापनपत्र बुझाउन आएको बुझिएको छ ।
जनकपुरधाम उपमहानगरपालिका- २३ स्थित बेलगाउँमा अतिक्रमण भएको जग्गा खाली गराउन माग गर्दै उक्त समूह ज्ञापनपत्र बुझाउन आएको थियो ।
सुरुमा उनीहरू मेयरलाई ज्ञापनपत्र बुझाउन गएका थिए । तर, मेयर नभेटेपछि उपमेयरलाई ज्ञापनपत्र बुझाइएको थियो ।
उपमेयर साहमाथि आक्रमण गरिएपछि नगर प्रहरी र नेपाल प्रहरीले उनलाई जोगाएको छ । जनप्रतिनिधिमाथि आक्रोशित रुपमा व्यक्त भएको सो समूहले घुस लिएर केही नबोल्ने गरेको आरोपसमेत लगाएका छन् ।
प्रतिक्रिया दिनुहोस्
