काठमाडौं घर भइ हाल अष्ट्रेलियामा बस्दै आएकी रजिस्टर्ड नर्स सुनिता चन्द ठकुरी हालै भएको आइसीएनले आयोजना गरेको बडी बिल्डिङ प्रतिश्पर्धामा सहभागि भएकी छिन् । विगत ५ बर्ष देखि फिटनेसमा लागेकी उनि भविष्य फेरी प्रतियोगितामा भाग लिने बताउँछिन् । फिटनेस मोडल र स्पोर्ट मोडलमा भाग लिएकी उनले फिटनेस मोडलमा दोस्रो र स्पोर्टमा तेस्रो स्थान हासिल गर्न सफल भएकी छन् ।
नेपालबाट विदेश पढ्न जाने विद्यार्थीहरुलाई परिवारबाट टाढा हुनुको पिडा, कामको तनाव, पढाइको तनाव धेरै हुने गरेको सुनिताको अनुभव छ । उनि फिटनेस क्लवमा व्यायम गर्दा तनाव कम हुने सुनाउँछिन् ।
धेरै अन्तराष्ट्रिय विद्यार्थीहरुले विभिन्न तनावका कारणले आफ्नो ज्यान गुमाइरहेका छन् । मेन्टल हेल्थ वार्डमा काम गर्ने सुनिता आफु जस्तै अरु विद्यार्थीहरुलाई तनाव भएर बस्नुभन्दा आफ्नो मानसिक तथा शारीरकि स्वास्थ्यको लागि प्रोत्साहन गर्छिन । अष्ट्रेलियामा नर्सिङ विषय अध्ययन गर्न धेरै गाह्रो हुँदा पनि बडि बिल्डिङलाई निरन्तरता दिएकी उनले पढाई सकेर नर्सिङको रजिस्ट्रेसन सकिनेवित्तिकै बडि बिल्डिङको तयारी गरेकी थिइन् ।
