नेकपा एमालेबाट काठमाडौं महानगरका मेयरका उम्मेदवार केशव स्थापित आजको चुनावी सभाबाट हौसिएका छन् । एमालेले काठमाडौंमा गरेको चुनावी सभामा भएको जनसहभागीता देखेर हौसिएका स्थापितले आफ्नो जित सुनिश्चित भएको घोषणा गरे ।
उनले आफ्नो प्रतिस्पर्धी नै कोही नरहेको दावी गर्दै चुनावी सभामा आफ्नो जित सुनिश्चित रहेको बताए । ‘यो सभा विजयी उत्सव हो कि, मलाई नै कन्फ्युज भएको छ,’ स्थापितले भने, ‘प्रतिस्पर्धी छ जस्तो लागेकै छैन । प्रतिपक्ष नै उभिएकै छैन । काठमाडौं कस्तो बनाउने भनेर आउन पर्दैन ?’
एक वर्ष पछि फोहोरको स्थायी समाधान निस्कने उनले दाबी गरे । कांग्रेसले भविष्यमा फोहोरका लागि राजनीति गर्न नपाउने स्थापितले बताए । एक वर्षभित्र धुलो र धुवाँको समस्या समाधान गर्ने प्रतिवद्धता व्यक्त
उनले आफ्नो अभिव्यक्तिले कसैलाई चोट पुगेको भए माफीसमेत मागे । ‘मेरो अभिव्यक्तिले कसैलाई चोट पुगेको सुनेँ । कसैलाई मेरो अभिव्यक्ति र लेखाइले चोट पुगेको भए माफी चाहन्छु,’ स्थापितले भने ।
आफू निर्वाचित भएमा दलित र अपांगता भएका विद्यार्थीलाई निःशुल्क शिक्षाको व्यवस्था गर्ने उनले बताए ।
