काठमाडौं । पत्रकार दिलभुषण पाठकलाई पक्राउ नगर्न उच्च अदालत, पाटनले अल्पकालीन अन्तरिम आदेश दिएको छ । साेमबार न्यायाधीश ऋषिराज भण्डारीको एकल इजलासले तत्काल उनलाई पक्राउ नगर्न आदेश जारी गरेकाे हाे ।
अदालतले थप छलफलका लागि दुवै पक्षलाई ५ असारमा बाेलाएकाे छ ।
प्रहरीको साइबर ब्युरोले पक्राउ गर्न खोजेपछि पाठककाे तर्फबाट उनकी पत्नी शिखा प्रसाईंले उच्च अदालतमा निषेधाज्ञाको निवेदन दिएकी थिइन् । जसमाथि सुनुवाइ गर्दै उच्च अदालतले तत्काल उनलाई पक्राउ नगर्न भनेको हो।
पाठककाे तर्फबाट वरिष्ठ अधिवक्ताद्वय शम्भु थापा, डा भीमार्जुन आचार्य, अधिवक्ता ओमप्रकाश अर्याललगायत बहस गरेका थिए।
प्रतिक्रिया दिनुहोस्
