घट्यो सुनचाँदीको भाउ-Sutra News

घट्यो सुनचाँदीको भाउ

आइतबार, १४ पौस २०८१

आइतबार, १४ पौस २०८१

काठमाडौं । लगातार बृद्धिका बिच साताको पहिलो कारोबार दिन (आइतबार) भने स्थानीय बजारमा सुनचाँदीको भाउ घटेको छ ।



नेपाल सुनचाँदी व्यवसायी महासंघका अनुसार आइतबार सुनको मूल्य प्रतितोला ५ सय रुपैयाँले सस्तिएको छ । शुक्रबार प्रतितोला १ लाख ५० हजार ७ सय रुपैयाँमा किनबेच भएको सुनको भाउ आइतबार १ लाख ५० हजार २ सय रुपैयाँमा झरेको हो ।

महासंघका अनुसार गएको साता स्थानीय बजारमा सुनको भाउ २२ सय रुपैयाँले बढेको थियो । सामान्य उतारचढावकै बिच सुनको भाउ निरन्तरजसो उकालोमा थियो ।

सुनको भाउ घट्दै गर्दा स्थानीय बजारमा चाँदीको भाउ पनि सस्तिएको छ । आइतबार चाँदीको भाउ २५ रुपैयाँले सस्तिएको हो ।

शुक्रबार प्रतितोला १८१५ रुपैयाँमा किनबेच भइरहेको चाँदीको भाउ आइतबार १७९० रुपैयाँमा झरेको छ ।

सुनको मूल्य जस्तै चाँदीको मूल्य गत साता करिब उकालोमा थियो । गएको साता चाँदीको मूल्य प्रतितोला ५५ रुपैयाँले बढेको थियो ।

आज अन्तराष्ट्रिय बजारमा सुनको मूल्य प्रति औंश २६२२ डलरमा किनबेच भइरहेको छ । अन्तराष्ट्रिय बजारमा पनि सुनको मूल्य घटेको छ ।

अन्तराष्ट्रिय बजारमा मूल्यमा आउने घटबढसँगै स्थानीय बजारमा सुनचाँदीको मूल्यमा घटबढ हुने गरेको छ ।

प्रतिक्रिया दिनुहोस्
सम्बन्धित समाचार

ताजा अपडेट