काठमाडौँ । क्यानडामा हुने लिग-२ खेल्नका लागि नेपाली क्रिकेट टोलीको बिदाइ गरिएको छ । नेपाल क्रिकेट संघ (क्यान)ले टोलीका सदस्य र व्यवस्थापकलाई बिदाइ गरेको हो ।
नेपाली टोली आज राति क्यानडा प्रस्थान गर्ने कार्य तालिका रहेको छ । क्यानडा भ्रमणका क्रममा नेपालले सेप्टेम्बर १६ र २२ मा क्यानडासँग खेल्ने छ । सेप्टेम्बर १८ र २४ मा ओमानसँग खेल्ने भएको छ ।
लिग-२ पछि नेपाल, ओमान र क्यानडाबीच त्रिकोणात्मक टी-२० आई सिरिज हुनेछ । यो खेल सेप्टेम्बर २८ र अक्टोबर १ तारिखमा क्यानडासँग खेल्ने भएसँगै सेप्टेम्बर २९ र अक्टोबर २ मा ओमानसँग खेल्नेछ ।
त्यसपछि नेपाल लिग-२ खेल्न अमेरिका जानेछ । अमेरिका, नेपाल र स्कटल्यान्डबीच त्रिकोणात्मक र टी २० आई दुवै सिरिज हुनेछ ।
प्रतिक्रिया दिनुहोस्
