काठमाडौं । केही सातादेखि नै सेयर बजार परिसूचक (नेप्से) ओरालोमा छ । सोमबारसम्म आउँदा नेप्से २६४६.०३ को बिन्दुमा झरेको छ ।
नेप्से २६ सयको बिन्दुमा आउँदै गर्दा अधिकांश वाणिज्य बैंकका मूल्य ३ सयको आसपासमा झरेका छन् । १९ वाणिज्य बैंकमध्ये सोमबारसम्म ११ बैंकको मूल्य ३ सय मुनि छ ।
यसैगरी, ३ वटा बैंकको मात्रै मूल्य ४ सय मुनि छ भने २ वटा बैंकको मूल्य ५ सय मुनि छ ।
अहिले ३ वटा बैंकको मात्रै मूल्य ५ सयमाथि छ ।
विशेषगरी सेयर बजारमा कम्पनी छान्दा तीन/चार पक्ष हेरिन्छ । कम्पनीको साख, भविष्यमा रहेका सम्भावना र कम्पनीको तथ्यांकीय विश्लेषण गर्नुपर्छ ।
सेयर बजारमा लगानी गर्दा कम्पनीको नाफा बृद्धिदर, लाभांश वितरण क्षमता, प्रतिशेयर आम्दानी, प्रतिशेयर बराबरको सम्पत्ति मूल्य ।
यस्तोमा दोस्रो बजारमा कारोबार भएका कुनै पनि बैंकका सेयर खरिद गर्दा घाटा हुने अवस्था देखिन्न । एकातिर बैंकका मूल्य धेरै घट्ने अवस्था छैन भने अर्कोतिर सबैजसो वाणिज्य बैंकको खास मूल्य आसपासमै सेयर बजार मूल्य भएको कारण लगानीकर्ताले घाटा व्यहोर्न पर्दैन ।
पछिल्लो समय धेरै कम्पनीहरुले प्रिमियममा आइपिओ जारी गर्ने गरेका छन् । धितोपत्र बोर्डले नेटवर्थको दोब्बरसम्म मूल्य राखेर आइपिओ जारी गर्न दिन्छ । जसका आधारमा अहिले अधिकांश वाणिज्य बैंकको नेटवर्थ दोस्रो बजारमा भइरहेको बिक्री मूल्यकै आसपासमा छ ।
बाँकी तपाइँ आफूले लगानी रणनीति बनाउन सक्नु हुन्छ।
दोस्रो बजारमा कुनको मूल्य कति ?
कुमारी : २१२
एनआईएमबी : २२६
सिटिजन : २२८
प्रभु : २३३
लक्ष्मी : २३६
ग्लोबल आइएमई : २३६
माछापुच्छ्रे : २३८.३
एनएमबी : २३९.९
हिमालयन : २४९.८
प्राइम कमर्सीयल : २६९
नेपाल बैंक : २७८
सिदार्थ बैंक : ३२१
सानिमा : ३२६.९
कृषि विकास : ३६२
एसबिआई : ४२९
एनआइसी एसिया : ४६५
नबिल : ५७३
स्ट्याण्डर्ड चार्टर्डः ६७२
एभरेष्ट : ६९२
