आज मिति २०८१ भदौ २४ गते सोमबार । संन् २०२४ सेप्टेम्बर ९ तारिख । नेपाल सम्बत ११४४ षष्ठी तिथि । आज नेपालमा सूर्योदय बिहान ५ बजेर ४६ मिनेटमा भयो भने सूर्यास्त साँझ ६ बजेर १५ मिनेटमा हुनेछ । अब सुरु गरौँ आजको राशिफलः
मेष
समयमा होस नपुग्नाले केही चुनौती झेल्नुपर्ने समय छ । लगानी धेरै तर कममात्र फाइदा हुने देखिन्छ । आजको दिन आगो तथा हातहतियारबाट विशेष सावधान रहनु हितकर होला । कुरा काट्नेहरु सक्रिय रहनेछन् भने पतिपत्नीबीच घरसल्लाह नमिल्न सक्छ । आर्थिक संकट पनि होला, सचेत रहनुहोला । मिठो भोजन प्राप्त हुनेछ । यात्रामा सफलता प्राप्त गर्नु हुनेछ ।
बृष
कामको सन्दर्भमा रमाइला व्यक्तित्वहरूसँग मित्रता बढ्ने दिन छ । तपाईंले गरेको कामको कदर भइ प्रतिष्ठा पनि बढ्ने योग छ । ब्यापारमा प्रगति हुने देखिन्छ । तर, जागिरमा आज अनावश्यक झमेलाको सामना गर्नुपर्ला । कसैबाट अपमानित हुने सम्भावना रहेकोले सावधान रहनुहोला । कला क्षेत्रमा रुचि बढ्नेछ । आफन्तजनको साथका साथै पारिवारिक समस्याको समाधान मिल्नेछ ।
मिथुन
व्यस्तता वृद्धि हुनेछ । अल्झेको काम बन्नाले मनमा एक किसिमको उल्लास छाउला । आत्मविश्वास जाग्नेछ भने वैदेशिक क्षेत्रको लगानी खेर नजाने समय छ । प्राविधिक काममा सफलता प्राप्त हुनेछ । पढाइमा भनि खासै प्रगति हुने छैन । आफन्तजनसँग भेटघाट होला । मनमा प्रसन्नता मिल्ने दिन छ । शत्रुमाथि विजय प्राप्त होला । यात्रामा सफलता प्राप्त हुनेछ ।
कर्कट
रोकिएका घरेलु कामकाज बिस्तारै बन्नेछन् । महत्वाकांक्षी योजना गोप्य राखेर अघि बढ्दा फाइदा हुनेछ । अधुरा काम बन्ने तथा नयाँ काम पाउने समय छ । कुरा काट्नेहरुले प्रशंसा गर्न थाल्नेछन् । व्यवसायमा थप लगानी बढाउन सकिने छ । आरोग्यता रहनेछ । साथीभाइको सहयोग प्राप्त हुनेछ । रसरागमा आकर्षण रहला ।
सिंह
आजको दिन केही चुनौती सामना गर्नुपर्ने देखिन्छ । भौतिक साधनको क्षतिले अनावश्यक धन नाश हुन सक्छ । स्वास्थ्य पनि केही कमजोर रहला । चोटपटकको योग रहेकोले विशेष सावधानी अपनाउनु हितकर हुनेछ । रसरागप्रति आकर्षण बढ्नेछ । बौद्धिक रचनात्मक र कलात्मक काममा सफलता मिल्नेछ ।
कन्या
दिन शुभदायी छ । महत्वपूर्ण काम बन्नेछन् भने तपाईंको लगनशिलता र इमान्दारिताको प्रशंसा हुनेछ । मनमा शान्ति छाउनेछ । पढाइलेखाइमा प्रगति होला । परिवारजनमा आत्मीयता बढ्नेछ भने प्रेम प्रस्तावको पनि सम्भावना छ । तथापि, व्यावसायिक काम बीचमा अवरुद्ध बन्न सक्छ, सचेत रहनुहोला । आरोग्यता रहनेछ । आफन्तजनको साथ रहनेछ ।
तुला
पारिवारिक जीवन सामान्य र सन्तोषप्रद रहला । आर्थिक क्षेत्रमा राम्रै लाभ हुने सम्भावना छ । ब्यापार, कृषि, तथा वैदेशिक क्षेत्रमा दिन राम्रो छ । आम्दानी बढ्न सक्छ । घुमघाम, भेटघाट र मनोरञ्जनमा दिन बित्ने देखिन्छ । ऋणसापटी लिनदिन पनि आजको दिन अनुकूल छ । मिठो भोजन प्राप्त हुनेछ । धन सम्पदामा बढोत्तरी रहला ।
बृश्चिक
रमाइलो भेटघाटले मन हर्षित हुनुका साथै पराक्रम बढ्ने समय छ । सुखद यात्राको योग छ । सन्तानपक्षबाट सुख मिल्नेछ । मनमा रहेको डर हटेर काममा उत्साह बड्नेछ । व्यापार–व्यवसायमा सुधार आउने योग छ । आय र आरोग्यता वृद्धि होला । मिठो भोजन प्राप्त गर्नु हुनेछ । सुखसुविधाको बस्तुमा खर्च बढ्न सक्छ ।
धनु
उत्साहवर्द्धक समय छ । कर्मबल बढ्नेछ भने काममा जाँगर चल्नेछ । श्रमको उचित मुल्याङ्कन हुनेछ । तर आम्दानीसँगसँगै खर्च पनि विद्धि हुने योग छ । स्वास्थ्यमा सामान्य गडबडीको सम्भावना छ । मिठो भोजन प्राप्त हुनेछ । बौद्धिक र रचनात्मक कार्य बन्नेछ । गीतसंगीत र रसरागात्मक काममा आकर्षण रहला ।
मकर
रोकिएका काम पुनः सुरु हुन सक्ने समय छ । परिश्रमअनुसार उपलब्धि पनि राम्रै पाइएला । अध्ययन(अध्यापनमा सफलता मिल्ने र आफन्तहरुको सहयोग प्राप्त हुनेछ । बौद्धिक उन्नतिले काममा सफलता मिल्नेछ । खर्च केही बढ्ला । खुट्टा तान्नेहरू सक्रिय रहनसक्ने हुँदा विशेष सावधान रहनु हितकर होला । चुनौतीका बाबजुद दायित्व पूरा गर्न सकिनेछ । यात्रागत कार्यमा सफलता प्राप्त हुनेछ ।
कुम्भ
खर्च भन्दा कमाइ नै बढी हुने समय छ । आम्दानीमा कमी नआएपनि प्रतिफल प्राप्त नहुने क्षेत्रमा धन लगानीको सम्भावना रहेकोले सचेत रहनु उचित हुनेछ । साथीभाइ एवम् छरछिमेकबाट सरसहयोग प्राप्त होला । दिगो फाइदा हुने काममा लगानी बढाउन सकिनेछ । व्यापारमा पनि फाइदा हुने योग छ । मिठो भोजन प्राप्त हुनेछ ।
मीन
साझेदारीको काम बन्ने समय छ । विपरितलिङ्गीको सहयोग प्राप्त भइ मन हर्षित होला । जाँगर वृद्धि भइ चिताएको काम सहजै बन्ला । आर्थिक लगानी बढाउन अनुकूल समय छ । नयाँ ठाउँमा लगानीको वातावरण बनी मन हर्षित हुनेछ । दाम्पत्यसुख बढ्नेछ । आफन्तसुख बढ्नेछ । समस्याको समाधान मिल्नेछ ।
