काठमाडौं । नेपाली सेनाको कायमुकायम प्रधानसेनापति अशोकराज सिग्देलले प्रधानसेनापतिको जिम्मेवारी सम्हालेका छन् । प्रधानसेनापति महारथी प्रभुराम शर्माले बिहीबार सिग्देललाई कार्यभार दिएका हुन् ।
शर्मा सेनाबाट २५ भदौदेखि अनिवार्य अवकाशमा जाने भएका छन् । त्यसअघि भोलिदेखि बिदामा बस्ने नेपाली सेनाको जनसम्पर्क तथा सूचना निर्देशनालयले जनाएको छ । सेनमा अनिवार्य अवकाशमा जानुअघि एक महिना बिदामा बस्ने चलन रहेको छ ।
नेपाली सेनाको सहायक सेनानी दर्जाबाट प्रवेश गरी शर्माले करिब ४१ वर्ष सेवा गरेका छन् ।
प्रतिक्रिया दिनुहोस्
