प्रेमिकाको हत्या गरी आफैंमाथि खुकुरी प्रहार

संखुवासभा । खाँदबारी–१ घिमिरे गाउँमा प्रेमिकाको हत्या गरेका छन् । प्रेमीले आफैमाथि पनि खुकुरी प्रहार गर्दा गम्भीर घाइते भएका छन् ।

खाँदबारीमा डेरा गरी बस्दै आएकी युना दर्नाललाई शुक्रबार बिहान सभा पोखरी गाउँपालिका-१ का नन्दराम गदालले हत्या गरेका हुन् ।

सभापोखरी-१ की मृतक दर्नाल खाँदबारीमा डेरामा बस्दै आएकी थिइन् । दर्नालको घटनास्थलमै मृत्यु भएको जिल्ला प्रहरी कार्यालयका प्रमुख डिएसपी वीरेन्द्र गोदारले जानकारी दिए ।

घाइते गदालको जिल्ला अस्पताल खाँदबारीमा उपचार भइरहेको छ । घाइते २१ वर्षीय गदाल बिहीबारमात्र नेपाल प्रहरीको ३ महिने तालिम सकेर खाँदबारी आएको खुलेको छ ।

स्थानीयका अनुसार गएराति मृतक २१ वर्षीया दर्नालको डेरामा दुवैजना सँगै बसेका थिए।