Logo

निजी अस्पतालहरुको चेतावनीः बीमा बापतको रकम भुक्तानी नभए सेवा रोकिन्छ



सरकारले सम्झौता अनुसार रकम भुक्तानी नगरी लामो समयदेखि रोकेका कारण निजी अस्पतालहरुले सर्वसाधारणहरुको लागि ल्याइएको स्वस्थ्य विमा कार्यक्रम रोक्ने चेतावनी दिएका छन् । झापाको बि एन्ड सी मेडिकल कलेज र मोरङको नोबेल मेडिकल कलेजले पत्रकार सम्मेलन गरेरै स्वास्थ्य बिमा कार्यक्रम रोक्ने चेतावनी दिएका हुन् ।

बुधबार काठमाडौंमा पत्रकार सम्मेलन गर्दै बि एन्ड सी र नोवेलले स्वास्थ्य बिमा बोर्डले समयमा रकम भुक्तानी नगर्दा समस्या भएको भन्दै असार २० गतेबाट स्वास्थ्य बिमा कार्यक्रम रोक्ने जानकारी दिए । उनीहरुले २०७८ मंसिरपछि बिमा वापतको रकम नपाएको भन्दै जानकारी दिएका छन् ।

बी एन्ड सी मेडिकल कलेजका सञ्चालक दुर्गा प्रसाईले स्वास्थ्य बिमा बापतको ४५ करोड रुपैयाँ भन्दा बढि र नोबेलको ५४ करोड भन्दा बढि रुपैयाँ लिन बाँकी रहेको जानकारी दिए । उनले यसअघि १५–१५ दिनमा भुक्तानी गर्ने भनिएपनि अझै बीमा वापतको रकम नपाएको बताए ।

सरकारले ७२ चैत २५ देखि कैलालीबाट सुरु गरेको स्वास्थ्य बिमा कार्यक्रम ७७ वटै जिल्लामा लागू भइसकेको छ  । प्रतिपरिवार ५ जनासम्मको ३ हजार ५ सय रुपैयाँ तिरेको आधारमा वार्षिक एक लाखसम्मको स्वास्थ्य सुविधा र थप प्रतिसदस्य ७ सयका दरले रकम थपिएमा प्रतिसदस्य २० हजार बराबरको सेवा थपिने प्रावधान छ  ।

बि एन्ड सी र नोबेलले पत्रकार सम्मेलन गरेरै स्वास्थ्य बिमा कार्यक्रम रोक्ने चेतावनी दिंदै गर्दा देशका विभिन्न भागमा रहेका निजि अस्पतालहरुले पनि सरकारले स्वास्थ्य बीमा कार्यक्रमको पैसा नदिएको गुनासो गर्न थालेका छन् ।

अस्पतालहरुले बिमा सुबिधा सर्वसाधारण लाई निरन्तर उपलब्ध गराउँदै आएपनि सरकारले रकम भुक्तानी रोकिदिंदा औषधी तथा अन्य आवश्यक स्वास्थ्य सामग्री कसरी किन्ने, तलब कसरी खुवाउने भन्ने प्रश्न गरेका छन् । यस्तो अबस्था कायमै रहे निजी अस्पतालहरुले छिटै सेवा स्थगित गर्ने चेतावनी दिएका छन् ।

 

प्रकाशित मिति : ८ असार २०७९, बुधबार १५:११


सर्वाधिक धेरै पढिएको

सूचना विभाग दर्ता नं.
१९८१/०७७-०७८
विज्ञापनका लागि
Phone : 01-4468271 / 01-4485113 ( 9851060256 / 9801973820 )
Email : [email protected] / [email protected]

सम्पर्क

Sutra Media Pvt.Ltd
Bhakti Sadak Marg 10 New Baneshwor
फोन : +977- 01- 4468271 / 01 - 4485113
[email protected] [email protected]

हाम्रो टिम

  • अध्यक्ष / प्रकाशक :
    केशब खड्का
  • सम्पादक :
    लक्ष्मण सिटौला
  • कार्यकारी प्रमुख :
    राजेन्द्र भट्ट