Logo

मदन भण्डारी यु–१४ क्रिकेट: बुटवल र सैनामैना फाइनलमा



रुपन्देहीमा जारी यु–१४ क्रिकेट प्रतियोगितामा सैनामैना र बुटवल टाईगर्स फाइनलमा पुगेको छ । मदन भण्डारीको स्मृतिमा मदन भण्डारी स्पोर्ट्स एकेडेमी रुपन्देही जिल्ला कमिटीको आयोजनामा भैरहवामा जारी लिग चरणको खेलमा नेट रनरेटको आधारमा बुटवल विजेता र सैनामैना उपविजेता बन्दै फाइनलमा पुगेको हो ।

सिद्धार्थ क्रिकेट रंगशालामा बिहीबार भएको खेलमा भैरहवाले सैनामैनालाई १० विकेट तथा बुटवल टाईगर्सले देवदहलाई २७ रनले पराजित गरेको हो । पहिलो खेलमा टस जितेर भैरहवाले ब्याटिङको निम्तो दिएपछि मैदान छिरेका सैनामैनाका ब्याट्सम्यानहरुले २४.५ ओभरमा सबै बिकेट गुमाएर १ सय २४ रनको लक्ष्य तयार गरेको थियो ।

जसमा रोहित विश्वकर्माले १९ रन, युवराज खत्रीले ३३ रन तथा सुसान्त थापाले १९ रनको योगदान दिएका थिए । कम स्कोरमा रोक्न असुतोष पाण्डेले ३ तथा कृष्ण बिक, बिनय जिसी र सुप्रित घिमिरेले समान २–२ बिकेट लिएका थिए । भैरहवाका ओपनर ब्याट्सम्यानहरु समिर अलि र सचिन जिसीले शानदार अर्धसतक पुरा गर्दै जित निकालेपनि रनरेटका आधारमा तेस्रो बन्दै प्रतियागिताबाट बाहिरियो । समिरले ६४  तथा सचिन जिसीले ५० रन जोडेका थिए । भैरहवाका समिर अलि खेलमा म्यान अफ दी म्याचबाट पुरस्कृत भए ।

यसैगरि बुधबार नै भएको अर्को निर्णायक खेलमा बुटवलले टस जितेर ब्याटिङको निर्णय गर्दै पुरै २५ ओभरमा ३ विकेटको नोक्सानीमा १ सय ४८ रनको लक्ष्य खडा गरेको थियो । शुरुवाती ब्याट्सम्यानहरुले खराब शुरुवात गरेपनि मध्यक्रममा ब्याट्सम्यानहरुले ब्याटिङ सुधारे । बुटवलका लक्ष्मण कुमालले ६५ रन तथा सुभम खनालले २५ रन जोडेका थिए । यसैगरि सुजन रानाभाटले २२ रनको योगदान दिए । देवदहका स्वस्तिक पराजुली १ विकेट लिएका थिए ।

मध्यम लक्ष्य पछ्याएको देवदहका ब्याट्सम्यान पुरै २५ ओभर खेल्दै ९ विकेट खेल्दै १ सय २१ रनमा रोकियो । देवदहका निराजन भट्टराईले ४० रनको नटआउट पारी खेलेका थिए । यसैगरि मनिष तिवारीले १८ र सुगम फूल्देलले १२ रनको योगदान दिएका थिए । बुटवलका सुभम खनालले ३ तथा अरिफ खानले २ विकेट लिएका थिए । खेलमा बुटवलका लक्ष्मण कुमाल म्यान अफ दी म्याचबाट पुरस्कृत भए ।

रुपन्देहीका करीब एक सय खेलाडीहरुलाई ट्यालेन्ट हन्टमार्फत छनौट गरि ६४ जना खेलाडीहरुको ४ टिम विभाजन गरि २५ ओभरको लिग प्रतियोगिता गरिएको मदन भण्डारी स्पोर्ट्स एकेडेमीका केन्द्रिय सदस्य तथा लुम्बिनी प्रदेश क्रिकेट बिभाग प्रमुख शक्ति गौचनले बताए । शुक्रबार फाईनल खेल हुने उनले बताए ।
 

प्रकाशित मिति : ५ जेष्ठ २०७९, बिहीबार १९:०७


सर्वाधिक धेरै पढिएको

सूचना विभाग दर्ता नं.
१९८१/०७७-०७८
विज्ञापनका लागि
Phone : 01-4468271 / 01-4485113 ( 9851060256 / 9801973820 )
Email : [email protected] / [email protected]

सम्पर्क

Sutra Media Pvt.Ltd
Bhakti Sadak Marg 10 New Baneshwor
फोन : +977- 01- 4468271 / 01 - 4485113
[email protected] [email protected]

हाम्रो टिम

  • अध्यक्ष / प्रकाशक :
    केशब खड्का
  • सम्पादक :
    लक्ष्मण सिटौला
  • कार्यकारी प्रमुख :
    राजेन्द्र भट्ट