Logo

कोरोनाको दुवै डोज खोप लगाउनेलाई रक्सी किन्दा १० प्रतिशत छुट



भारतको मध्यप्रदेशको मन्दसुर जिल्लामा कोरोनाको दुवै डोज खोप लगाउनेलाई रक्सी किन्दा दश प्रतिशत छुट दिने नियम ल्याइएको छ ।

जिल्लाका एक अधिकारीले जारी गरेको आदेशमा कोरोनाको खोप अभियान अन्तर्गत दुवै डोज खोप लगाउनेलाई मदिरा किन्दा १० प्रतिशत छुट दिने बताइएको हो ।

यसका लागि शिविरसमेत लगाइएको थियो । शिविरमा खोप लगाएपछि स्थानीयहरू मदिरा किन्न दगुरेका छन् ।

जिल्ला अधिकारीको यस्तो आदेशलाई भारतीय जनता पार्टीका विधायक यसपाल सिंह सिसौदियाले आलोचना गरेका छन् । उनले एक विज्ञप्ति जारी गर्दै यस्तो प्रावधानले मदिरा पिउनलाई प्रोत्साहन गर्ने भन्दै तत्काल रोक्नसमेत माग गरेका छन् ।

सिसौदियाले गत लोकसभा निर्वाचनमा मदिरा बिक्रीमा रोक लगाउनुपर्ने भन्दै आफ्नो चुनावी अभियान संचालन गरेका थिए ।

मध्यप्रदेशको मन्दसौर जिल्लामा खोपको दोस्रो डोजले ५० प्रतिशत पनि लक्ष्य हासिल गरेको छैन । त्यसैलाई पूरा गर्न गतसाता यस्तो अभियान चलाइएको अधिकारीहरूले बताएको भारतीय समाचार एजेन्सी आईएएनएसले समाचार लेखेको छ ।

प्रकाशित मिति : २० मंसिर २०७८, सोमबार १६:१०


सर्वाधिक धेरै पढिएको

सूचना विभाग दर्ता नं.
१९८१/०७७-०७८
विज्ञापनका लागि
Phone : 01-4468271 / 01-4485113 ( 9851060256 / 9801973820 )
Email : [email protected] / [email protected]

सम्पर्क

Sutra Media Pvt.Ltd
Bhakti Sadak Marg 10 New Baneshwor
फोन : +977- 01- 4468271 / 01 - 4485113
[email protected] [email protected]

हाम्रो टिम

  • अध्यक्ष / प्रकाशक :
    केशब खड्का
  • सम्पादक :
    लक्ष्मण सिटौला