Logo

एमसीसी पारित र महाअभियोग लगाउने कुरा सहमतिमा मात्रै हुन्छः प्रचण्ड



माओवादी केन्द्रका अध्यक्ष एवं सत्ता गठबन्धनका शीर्ष नेता पुष्पकमल दाहाल ‘प्रचण्ड’ले एमसीसी पारित गर्ने वा नगर्ने र प्रधानन्यायाधीशलाई महाअभियोग लगाउने कुरा सहमतिका आधारमा मात्रै हुने बताएका छन् । उनले सत्ता गठबन्धन र राजनीतिक दलहरुबीच सहमतिका आधारमा मात्रै कसलाई के गर्ने भन्ने विषयमा प्रष्ट हुने बताएका हुन् ।

पछिल्लो समय प्रधानन्यायाधीशविरुद्ध महाअभियोगको आवाज उठ्नु र एमसीसी पास गर्नुपर्ने दवावले सत्ता गठबन्धन शंकटमा परेको बताइएपनि यसप्रति कुनै आशंका नगर्न भन्दै प्रचण्डले गठबन्धनको भविष्यबारे कुनै दख्खल नपर्ने दावी गरे ।

माओवादी केन्द्रनिकट पत्रकारहरुको राष्ट्रिय सम्मेलनलाई सम्बोधन गर्दै प्रचण्डले एमसीसी र प्रधानन्यायाधीशविरुद्ध राष्ट्रिय सहमतिकै अधारमा निर्णय लिने बताए । उनले भने– ‘एमसीसीबारे जे हुन्छ राष्ट्रिय सहमतिमा हुन्छ । एमसीसीको बैठक र संसद बैठक एकैदिन पर्नु संयोगमात्र हो । प्रधान न्यायाधीशविरुद्ध महाअभियोगको कुरा पनि आएको छ । त्यो पनि दलहरुबीच सहमतिका आधारमा महाअभियोग लगाउने वा नलगाउने निर्णय हुन्छ ।’

सत्ता गठबन्धन संकटमा पर्न थाल्यो भन्नु विपक्षिहरुले चलाएको हल्लामात्रै भएको प्रचण्डको तर्क थियो ।

प्रकाशित मिति : १८ मंसिर २०७८, शनिबार १५:४२

सर्वाधिक धेरै पढिएको

बिज्ञापन

सूचना विभाग दर्ता नं.
१९८१/०७७-०७८
विज्ञापनका लागि
Phone : 01-4468271 / 01-4485113 ( 9851060256 / 9801973820 )
Email : [email protected] / [email protected]

सम्पर्क

Sutra Media Pvt.Ltd
Bhakti Sadak Marg 10 New Baneshwor
फोन : +977- 01- 4468271 / 01 - 4485113
[email protected] [email protected]

हाम्रो टिम

  • अध्यक्ष / प्रकाशक :
    केशब खड्का
  • सम्पादक :
    लक्ष्मण सिटौला
  • प्रबन्ध सम्पादक :
    ईश्वर अर्याल